1 فبراير 2009

بلا نينو بلا بطيخ

صار لي فترة خاطري أتغدى بــ "نينو"
بس محد معطيني ويه وراضي يروح معاي
فيني طبع مو حلو
ما اكل بروحي لو ميتة يوع لازم احد يقعد ياكل معاي حتى لو شبعان
مسكينة امي اهي اللي طايحة فيها
المهم بعد ما ملت بنت خالتي من حنتي قالت اوك خل نروح
رحنا وقعدنا وكل شوي نغير الطاولة
يا ان الموقع مو عاجبنا او ريحة cigarette ذبحتنا
وبعد 10 دقايق استقرينا على طاولة
وطلعت لنا ذبانة سخيفة أذتنا أذية
شكو ملعوزتنا واحنا اكل حتى ما طلبنا :@
نطرنا ثنتين رفيجاتها ولما وصلوا طلبنا اكل يميع
انا طلبت باستا
لحد هني كل شي طبيعي وسليم؟!
وصلت الباستا وكانت yummy
توني اول لقمتين والا :/
شعرة شطولهااااااااااا
نادينا waitress ووريناها الشعرة
اعتذرت وبدلت الصحن
بعد للحين كل شي طبيعي
بس اللي مو طبيعي ان الصحن الثاني تطلعلي فيه
شعرة ثانية!!!!!!
ناديناها مرة ثانية واعتذرت وقالت انها رح تبدله مرة ثالثة
بس هني انا قلت لا وألف لا
عساني ما كليت سدوا نفسي الله يسد نفسهم
يالي مدير المطعم وتعذر وقعد يشرح لي تدابير النظافة بالمطعم وان هالخطأ غير مقصود
بس بعد شنو !
وقالي ما يصير لازم تاكلين
طلبي أي شي على حساب المطعم
don't make me feel guilty على قولته
قلتله لا شكرا خلص لاعت جبدي
شوي والا اهو يايب لي جوكليت كيك
يبي يراضيني
ابتسمت له وشكرته
طبعا حرمت اطب نينو مرة ثانية حتى لو خاطري طاف حده:D
سامحوني اذا لوعت جبدكم;)
سوري اضطريت احذف الموضوع واكتبه مرة ثانية فانحذفت التعليقات:(

هناك 38 تعليقًا:

SHAHAD يقول...

واااااااااي ما تسوى على خااطرج
حد الملااقة لما يكون شي بخااطرج ويطلع شي مادري من وين ويسد نفسج وخااطرج بعد !!

لو انا منج أطلب على حساابهم عنااد لهم وما اكله
حدي نحيسه لووول

كبرياء وردة يقول...

شفتي عاد:(

بنت خالتي كانت تبي تقط
شعرتها بالكيكة:D

شرايج بنحاستها

ARTFUL يقول...

لا عادي الحين اروح واطلب باستا وآكلها

احنا ما تلوع جبودنا الا من شي واحد!!!


وحده ما تشيل ((تأكيد الكلمة)) @@

p;

Kandroz يقول...

لووووووول
وليش حظج جذي :/
يعني من متى تحنين واخر شي جذي يطلع :/
خيرها بغيرها ,,
خووو غير المطعم ستين الف
الكويت كلها مطاعم :/
ويييييع بس شنو تلوع جبدي من الشعر :/

شكو انمسح تعليقي :@
وشيلي تأكيد الكلمة :P

قانونى كويتي يقول...

مساء الخير


وعليكم بالعافية

تحياتى لكم

Safeed يقول...

ذبانة !
سجائر !!
شعر !!!
المطعم في مقديشو ؟

@alhaidar يقول...

مساء الخير ..

أخاف إنتي بالغلط طالبته بالشعر ؟ ;p

ترى هالأيام فيه بالشعر وبالحشرات وبكل شي يلوع الجبد ;p

زين قلتيلي يمكن أيي البحرين هاليومين عشان لا آكل منه :)

تقبلي تحياتي :)

غير معرف يقول...

لوول وااعليا ماتسوى عليج هالبااستا :>

عاد الاسبوع اللي طاف رحت انا مع بنت خالتي نينو بالافنيوز كان شغلهم حلو ومرتب والاكل يمييي لذيذ وهم اكلنا بااستا P:

عاد لو بداالج حاشني هالموقف اكيد تلوع جبدي بس اطلب نص الاكل اللي موجود بالمنيوو ( تعوييض خوو )

وهم اقولج عليج بالعااافيه
باستا بال ^^ hair ^^ لوول

ويعطيج العافيه خيتوو :)

Sn3a يقول...

عاد احبببه
بس مشكلتهم كل شوي بياخذون الصحن جنه فيهم فقر صحون
والويترز اسلوبهم خايس ونفسيتهم خايسه بعد

بس هم احبه

كسرتي خاطري ماحب جذيه

كبرياء وردة يقول...

artful

شنو اهو الشي؟!

تسلم ع المرور

كبرياء وردة يقول...

kandroz

شدراني بهالحظ النحس:(

امممم
يعني ايي الكويت عشان مطعم؛)

شسوي مدونتي مسببتلي احبطا صار لها جم يوم معلقة

حياك الله

كبرياء وردة يقول...

قانوني كويتي

أي عافية الله يهداك بعد اللي شفته

حياك الله شرفتنا

كل يوم تعال؛)

كبرياء وردة يقول...

سفيد

لالا لما كنت بمقديشو مطاعهم كانت شرحة ونظيفة وتونس :p

كبرياء وردة يقول...

ابو كوثر

هههههههههههه
ضحكتني حسبي الله على بليسك

اي والله هالايام المطاعم ماكو أوصخ منها


اكل البيت وبس والباقي سمممم


على فكرة لا تحاتي، عندكم فروع منه بالكويت :P

كبرياء وردة يقول...

Ashley

امممم

يمكن اذا ييت الكويت انقض القرار واكل من نينو اللي عندكم

ياختج احبه بس شسوي الله لوع جبدهم

الله يعافيج

تسلمين على المرور العذب

واعتذريلي من ايمي ليش ان تعليقها انمسح:$

كبرياء وردة يقول...

سنعة

اي والله

مدري شسالفتهم مع الصحون

انا بعد لاحظت

بس احنا الويترز والويترسس مالنا حبوبين وكيوتين (جمع كيوت) :)

e7saso يقول...

يلا ماعليه قلبي

...


بعدوينج يا رب....

ولج مني اوديج اي مطعم و على احسابي بعد ...

علشان اطيب خاطرج ...


وتقبلي مروري المتواضعه ...

Salah يقول...

ما تسوى والله

الله يعين

ARTFUL يقول...

أول شي تعالي نينو الكويت احلى من نينوكم

p;

ثاني شي تلوع جبدنا من ناس مو راضين يشيلون ((تأكيد الكلمة)) word verification

p;

كبرياء وردة يقول...

e7saso

تسلمين بعد جبدي

انتوا اهل الكرم والجود

ما عليج زود

نورتي مدونتج :)

كبرياء وردة يقول...

صلاح

اي والله ما تسوى

اصلا ما احب اكل المطاعم

ويوم صار بخاطري شوف شصار

كبرياء وردة يقول...

artful

لو يودوني نينو بالقطب الشمالي ما آكل منه

اعلنت التوبة

ياخي قول جذي من الاول خبرك ثقافتي انجليزية:p

قانونى كويتي يقول...

المهم انكم طلعتوا

ورحتو المطعم

وغيرتوا الجو

هذا كافي

اما الامور اللى حصلت لكم

عاد اتصير كل يوم ههههههههه

ReLaaaX يقول...

عبالي بتقولين بعد الجوكلت كيك فيه شي :p


اشوه إني مااحبــــــه !
واحساس الغثيان يبدي فيني من ندشه لما نطلع ! حتى قبل لا نطلب :p

لا جد مااحبه ولا احب اكله ..

bhr.qadsaweya يقول...

اول شي ولكم باك
ادري حدي متأخرة ;)
شخباااري نينووو صار لي سنة يمكن مو رايحه
يعطيج العافية

Me And Her يقول...

آنا اقول وين راح تعليقي لوول
يلا مو مشكله و اشلي ماقصرت بالرد عني P=

بس ترى
نينو عن نينو يفرق لوول

سمعت سالفه انه عايله مادري بآي مطعم تدرين شنو
المره لقت بعصيرها ؟؟؟

>>> ريل زويوي واااااااي يعني زهيوي ماحب اقول اسمه لوول

ويعني بيرقعونها عطوهم العشا ابلاش


Amy ..

qesat_5ayal يقول...

لوول

أنا تلوع جبدي

بس عادي نغير السالفة ونغير الطلب
ونطلب زيادة على حسابهم ونستانس

:)

الوضع سهالات

كبرياء وردة يقول...

قانوني كويتي

اي والله اهم شي الطلعة واليمعة

عاد انتوا الشباب ما تلوع جبدكم من شي:p

كبرياء وردة يقول...

relax

انا وحدة من النوع اللي ما تحب اكل المطاعم بس هذا احبه مدري ليش

والحين بعد كرهته

تعالي نينو مالنا يمكن يعجبج
ترى الاكل يزينونه بشعر:p

كبرياء وردة يقول...

بحرينية قدساوية

يا اهلين وسهلين ومرحبتين

انت تأتي متأخراً خير من أن لا تأتي أبداً

كبرياء وردة يقول...

ايمي

اييي ما قصرت

لو انا منهم لو يعطوني عشا اسبوع بلاش ما كليته

وععععععع زهيوي عاد

كبرياء وردة يقول...

قصة خيال

هههههههههههه

المشكلة لو مرة غيرت الطلب وسكت

بس مرتيييييييين

صعبة شوية

Paris يقول...

ما تسوى عليج و الله
كسرتي خاطري بس هم لاعت جبدي في نفس الوقت :S
يعطيج العافيه

NİSANUR يقول...

السلام عليكم ورحمة الله وبركاته...

I'm from Türkiye,from Ankara.

كبرياء وردة يقول...

paris

اي ما تسوى بس كفاية الطلعة والضحك واليمعة

الله يعافيج

وحياج الله

كبرياء وردة يقول...

NİSANUR

وعليكم السلام ورحمة الله وبركاته:)

TruTh يقول...

أمبييييييييييييييه من صجج!

حبيبتي والله ،الله يعينج على كل هالأرف خصوصا ان مرتين ورا بعض،فظيييييعة السالفة!

كبرياء وردة يقول...

truth

ايييي من صج صجي بعد

بس ارف!

حنى الكيكة ما اشتهيت اكلها